Starvsmannafelagið bjóðar tær vælkomnum á heimasíðu felagsins.

Á heimasíðu okkara finnur tú ymiskar upplýsingar um felagið og felagsins virki.

Men við so dagførdum tíðinda- og kjaktilfari sum gjørligt, er ikki minni endamálið við síðuni, at hon verður limanna kjakforum í øllum viðkomandi spurningum.

At felagið kunnar limir sínar væl og virðiliga, og at limirnir meðvirka aktivt í sum hendir, er sostatt eitt av aðalmálunum við heimasíðu felagsins.

Endamál felagsins er:

• At savna øll starvsfólk og lærlingar í yrkinum til samarbeiði at fremja og verja felags áhugamál
• At royna at fáa starvsfólki betri kor fíggjarliga og samfelagsliga, eisini viðvíkjandi útbúgving og arbeiði
• At royna at vissa hvørjum starvsfólki og lærlingi góð og trygg arbeiðslíkindi og summmestu úrtøku av egnum arbeiði, og
• At virka fyri at fáa demokrati á arbeiðsplássinum

At røkka hesum endamáli krevst eitt sterkt Starvsmannafelagið, og tað verður felagið bert um tað hevur aktivar limir.

Blíðar heilsanir og góðan arbeiðshug.

Við fakfelagskvøðu

Selma Ellingsgaard, forkvinna